اشعار غروووووور

أبعتذر وأنا أدري أنه ما يفيد الاعتــذار ***

لكن لو أنك في مكاني كانك الحـين معــذور

متـردد أنطق كلمتينن في ضميري من نهار ***

مخطي وسامحني عسى ذنبي من الصـد مغفـور

أخاف تتركني بلا ميعاد وأيامـــي قصـــار ***

مدري غيابك عن زعل ولا غــلا ولا غـــرور

أنا أنكسـرت برغبتي والضوء لولا الأنكسار ***

ما بان لك بين الزوايا المظلمة موجات نـور

يا سيـدي تشبه علامات الرخا والأزدهار ***

من يوم عرفك ما خبرت الحظ يمشي في دبـور

الله ما أكبر عاطفة قلبك ولا سبع البحـار ***

آسف أنا عندي خطأ في النحو لا سبع البحـور

ياأجمل صباحات الندى وأجمل خيار الأختيـار ***

يا نعمة يؤمن بها مؤمن ويجحدها كفــور

نهار وجهك ظلله ليل على متن الوقــار ***

حتى هوت من عيني الدنيا مماليـك وقصــور

وبقيت في عين الرجا دمعه وفرحه وانتظار ***

وسكنت في وادي الظبى ياظبي لو ماأنت بعفور

أنا ما أحدك للقصـى يعني إذا صار القرار ***

فرقا بكيت من الندم والظيق من بعض الأمـور

حر حفظت من السماء ما تنزل الواطي حـرار ***

ولا عليهم زدو وافين المباديء والشبـور

هزيـمة من عقبها ياتي ثلاثين انتصــار ***

افضل ولانصر بعده الحظ خايب ومحســور

تقدر تخليني بليا وصل من دون أعتـبار ***

وأنا أقدر أبكي لين أعايد عبرة تبري الصـدور

أبعتذر لك سالفتنا كلبـوها بإختصـار ***

أني أنا مخطـي ولا جا منك يالغالي قصـور

علي بن حمري

الصراحه الابيات روعه يسلمو غلاتوو ع الابيات نايس