ابيات شعريه عن قبيلة عجمان

شرفت رجم هيض القلب والعيــــن =واصبحت بين الناس كني الحالــي

عقبه حربت النوم والناس ممسيـــن =شقرا تهاياها .. تهايا الغزالــــي

قم يا نديبي وارتحل خيرة الفليــــن =وعلق عليها من خفيف وغالـــي

اجعل عليها الكور وقشارها الزيـــن =مس الحبال ودارها بالعدالــــي

وإلى اصبحت بك عقب الاصلاف يومين =حذور تنزرها يجيها الجفالــــي

جود رسنها والعصى بالك اتبيــــن =واترك غثيث القاع منك شمالـــي

خل الحفر منك بعيد على يميـــــن =لطامه لشره لامنه عالــــــي

كنك تبي اللي في المواجيب وافيـــن =تلقى المعزه عندهم والجلالــــي

عليك بالعجمان زبن المجليــــــن =إلى اقبلت وجناك مثل الهلالـــي

ثم خص اللي لك يفزون عجليــــن =غير المراجل ما لهم راس مالــي

تسابقوك اللي على الطيب ضاريـــن =اهل الشحم ومبهرات الدلالــــي

ربع على كثر المخاسير جسريــــن =سلم على شيابهم والعيالــــــي

لاجيتهم سلم على الربع الادنيــــن =وهات الخبر يا طارشي والعجالـي

سلم على ال حبيش الادنى والاقصيـن =اشفق من الضامي على الماء الزلالي

عجل ترى حنا على العلم شفقيــــن =كثرو دياينه ولاله حلالــــــي

وجدي عليهم وجد من راكبه ديـــن =انك تزين مقبلات اليالــــــي

يا الله يا عدال ميل الموازيــــــن =ياالله يا معطي العطايا الجزالـــي

صح السانج يالغالية والله يعطيج العافيه