ابيات شعريه عن العوازم

ياعـل دار العـوازم للمطـر والربيـع
وسميـة يسقـي الجيـان مضرابـهـا
يسيل وبل الحيا مـع كـل وادي وريـع
ينبت خضار الربيـع وتفـرح احبابهـا
دار حمينا حماها يـوم فالسـوق بيـع
كم شيخ قوم قصـر ماقـرب اطنابهـا
كم شيخ قوم في جال الدار وقع صريـع
ماسرتـه لابتـه يـوم ايتعـزوى بهـا
يوم الرمك عجها مع كـل فـج وسيـع
فريسهـا بالملاقـا يـزيـد مهذابـهـا
والبوش قدم المعـادي ماتوانـا سريـع
عاداتنـا فالحرايـب نجهـد ركابـهـا
تشهد لنا انقير يوم المعتـدي مايطيـع
مايـدري أنـا حـرار سـم مخلابـهـا
عاداتنا فالحرايب ذبـح شيـخ الجميـع
كـم لحيـة قدمنـا ماعـزة اشنابـهـا
ضرب المشوك على العدوان يقطع قطيع
قـدم المعقـل نبيـع العمـر لحسابهـا
وعلى رضى وقعة يشيب منها الرضيـع
يوم ان سبع القبايـل تجمـع اقرابهـا
ساعة نزلنا وعج الخيل يشفي الصديـع
سوات سيل نحـاوي يسقـي اهضابهـا
وحنا كما الضلع ثابت ماتزعـزع رفيـع
السيل جنـب ركونـه عـاف مرقابهـا
جونا وجينا لهم والموت فأمر السميـع
الروس نارت وضرب المـوت فأذنابهـا
حنا العوازم في وقت الهوش حصن منيع
مضرابنا فـي نحـور القـوم ورقابهـا
افعالنا مثـل نجـمٍ بالسمـا لـه لميـع
تنومس الطيّـب اللـي يبحـث كتابهـا
عوازم مـن هـوازن ثابتـه ماتضيـع
من نسل عامر تحـدر جملـة انسابهـا